Sa proteinë ju nevojitet? Përdorni sasinë dhe burimin e duhur të proteinës

Për të përcaktuar nevojat tuaja ditore për proteinë, mund të llogaritini duke u bazuar në peshën totale të trupit. Proteina është thelbësore për ruajtjen e muskujve, metabolizmin dhe shëndetin në përgjithësi. Burimet më të mira përfshijnë si proteinat shtazore, ashtu edhe ato bimore, të cilat mbështesin rritjen e muskujve, rikuperimin dhe mirëqenien e përgjithshme.

Fjala “proteinë” rrjedh nga fjala greke “protos”, që do të thotë “i pari në rend apo pozitë” – dhe me arsye të fortë. Proteina kryen aq shumë funksione të rëndësishme në trup, saqë është jashtëzakonisht e rëndësishme të plotësohen nevojat ditore, të cilat mund të ndryshojnë ndjeshëm nga një person te tjetri.

Nevojat tuaja ditore për proteinë varen nga shumë faktorë, si p.sh. sa peshoni dhe çfarë mase muskulore keni – jo vetëm nëse jeni mashkull apo femër. Ndoshta keni lexuar se shumica e njerëzve konsumojnë më shumë se sa u nevojitet për të plotësuar nevojat e tyre, ose që nevoja për proteinë e një “gruaje mesatare” është rreth 46 gramë në ditë dhe e një “burri mesatar” është rreth 56 gramë. 

Por mbajeni mend këtë: këto udhëzime nga Organizata Botërore e Shëndetësisë (OBSH) janë përcaktuar në nivele që synojnë thjesht të plotësojnë nevojat themelore të shumicës së njerëzve. Vendet dhe rajonet e tjera kanë rekomandimet e tyre ushqimore, dhe vlerat mund të jenë ndryshe nga udhëzimet e FAO-së. Dhe, për shumë njerëz, përmbushja e vetëm nevojave bazë mund të mos marrë parasysh faktorë si përbërja trupore, aktiviteti fizik dhe synimet personale për formën fizike. 

A ka kuptim një qasje unike për të gjithë kur është fjala për proteinën? Nevoja për kalori ndryshon nga një person te tjetri, atëherë pse jo edhe ato për proteina? Në fund të fundit, njerëzit kanë përmasa dhe përbërje trupore shumë të ndryshme nga njëri-tjetri. Kjo i jep bazë arsyetimit se nevojat për proteina gjithashtu ndryshojnë.

Për të marrë një shifër më të saktë dhe të përshtatur me nevojat tuaja, provoni këto tri formula për konsumin e proteinave: 

Instituti i Mjekësisë në SHBA rekomandon të konsumojmë 10% deri në 35% të kalorive tona ditore totale nga proteina. Ky udhëzim paksa ndihmon dhe të paktën përpiqet të lidh nevojat për proteina me nevojat për kalori. Por do të shihni se kjo nevojë është mjaft e gjerë, nuk merr parasysh përbërjen trupore individuale dhe nuk përfshin nivelin e aktivitetit. Dhe për ata që janë më shtat-shkurtë, që kanë nevoja relativisht të ulëta për kalori, 10% e kalorive totale nga proteina mund të mos përmbushë sasitë minimale të rekomanduara. 

Nëse përdorni këtë metodë, Filozofia Globale e Mirëqenies e Herbalife sugjeron që të synoni një marrje prej rreth 30% të kalorive totale nga proteina, e cila bie brenda nivelit të rekomanduar.   

Për të llogaritur sa gram proteinë duhet të konsumoni çdo ditë, së pari shumëzoni kaloritë tuaja ditore me 0.3, që ju tregon se sa kalori nga proteina duhet të konsumoni çdo ditë. Më pas, duke qenë se një gram proteinë përmban 4 kalori, pjesëto kaloritë e proteinave me numrin 4 për të gjetur sa gram proteina të konsumoni në ditë. 

Për shembull, nëse kërkesat tuaja kalorike ditore janë 2,000 kalori, dhe kur e dini se një gram proteinë përmban 4 kalori, atëherë: 
 

• 2,000 kalori x 0.3 = 600 kalori nga proteinat 
• 600 kalori nga proteinat pjesëtuar me 4 = 150 gram proteinë në ditë. 

Por si mund të parashihni më me saktësi nevojat për proteinë të trupit tuaj. Ja një mënyrë tjetër:

Këtu keni një mënyrë të thjeshtë e të lehtë për të llogaritur nevojat për proteinë:

Individi i shëndosh duhet të synojë së paku 0.8 g proteinë në ditë për çdo kilogram të peshës ¹, d.m.th.:
 

• Në ‘pound’: shumëzo peshën tuaj kështu 1.8
• Në kilogram: shumëzo peshën tuaj kështu 0.8
 

Individi i shëndosh i moshës 65 vjeç apo më shumë të synojë së paku 1.2 g proteinë në ditë për kilogram të peshës ¹, d.m.th.:

1. Në ‘pound’: shumëzo peshën tuaj trupore me 2.2-2.6
2. Në kilogram: shumëzo peshën tuaj trupore me 1.0-1.2
 

Personi i cili është rregullisht i angazhuar në ushtrime të gjata apo rezistuese duhet të synojë 1.4-2.0 g proteina në ditë për kilogram të peshës ^5,6, kështu që:

• Në ‘pound’: shumëzo peshën tuaj me 3-4.4
• Në kilogram: shumëzo peshën tuaj me 1.4-2.0

Numri që fitoni është synim i arsyeshëm për sasinë e proteinave, në gram, të cilën duhet ta konsumoni çdo ditë.

Kështu një femër që peshon 64 kilogram (140 ‘pound’) duhet të synojë 51 deri 128 gram proteina në ditë. Mashkulli me 110 kilogram (220 ‘pound’) duhet të mësyjë 88 deri 220 gram proteinë.

Këta kalkulatorë të konsumit ditor të proteinave mund të ndihmojnë të gjeni se sa proteinë do të duhej të konsumoni çdo ditë. Ata ofrojnë rekomandime më të përgatitura dhe personale krahasuar me udhëzimet e përgjithshme të cilat thjeshtë bazohen në gjini ose konsum të kalorive.

Mosha dhe shkalla e aktiviteteve mund të ndikojnë në gamën e proteinave të rekomanduara. Le të shqyrtojmë këto elemente shtesë.

Nevojat për proteinë sipas moshës dhe fazës jetësore 
 

• Fëmijët dhe Adoleshentët: Gjatë periudhës së rritjes, nevojat për proteinë janë më të larta për të mbështetur zhvillimin e indeve, rritjen e muskujve dhe funksioneve të përgjithshme të trupit. Kur fëmijët dhe tinejxherët i ndërtojnë muskujt e tyre dhe arrijnë kulmin e rritjes, ata kërkojnë më shumë proteina për peshën e trupit të tyre në krahasim me të rriturit.¹
• Të rriturit: Nevojat për proteina për të rriturit janë kryesisht stabile. Të rriturit e rinj normalisht e përdorin më efektshëm proteinën për riparim të muskujve për shkak të masës së madhe të muskujve dhe shkallës së metabolizmit.¹ 
• Të rriturit e vjetër: Gjatë plakjes, masa muskulore zvogëlohet natyrshëm (kjo gjendje njihet si sarkopenia) Për të ndihmuar në reduktimin e humbjes së muskujve dhe për shëndet të mirë të përgjithshëm, të rriturit më të vjetër mund të kenë nevojë të konsumojnë më shumë proteina, sipas peshës së tyre trupore.

Nevojat për proteina sipas nivelit të aktiviteteve 
 

• Mosaktiviteti ose Aktiviteti i lehtë: Nëse nuk jeni shumë aktiv, nevojat tua për proteinë do të jenë më të ulëta sesa për dikë që është aktiv, sepse ka më pak dëmtim të muskujve e më pak nevojë për riparim. Në këtë rast, një konsum prej rreth 0,8 gramë proteinë për 1 kilogram të peshës do të duhej të ishte adekuate¹. 
  
  
• Aktiviteti i moderuar: Për ata që angazhohen në ushtrime rregullisht, konsumi adekuat i proteinave është i nevojshëm për riparimin dhe rikuperimin e muskujve, sidomos pas ushtrimeve të rrepta dhe të gjata. Një konsum prej 1.4-2.0 g proteina për një kilogram peshë do të duhej të ishte adekuate ^5,6.
  
  
• Atletët: Nëse jeni i angazhuar në aktivitete intensive fizike (p.sh. ngritje e peshave të rënda ose aktivitete të stërgjatura) në baza ditore, trupi juaj mund të kërkoj më shumë proteina për riparimin e muskujve, rritjen e tyre dhe rikuperimin. Për këta atletë, konsumi prej së paku 2.0 g proteina për një kilogram peshë në ditë është i rekomanduar ^5,6.
   

Po burimi proteinave dhe koha e marrjes së tyre? 

Nëse keni synim të ndërtoni masë muskulore duke i kombinuar trajnimin e fuqishëm me dietë adekuate, ju do të keni nevojë për proteina për të nxitur riparimin dhe rritjen e muskujve. Sigurimi i proteinave të mjaftueshme është vetëm një prej elementeve. Është po ashtu me rëndësi që ju të shpërndani marrjen e proteinave përgjatë ditës ⁷ dhe t'i merrni ato nga burimet më të mira për të mbështetur rritjen dhe riparimin e muskujve.

Konsumi i proteinave stimulon procesin e sintetizimit të proteinës muskulore, dhe kështu ideale është që konsumi i proteinës të vijë në mënyrë të barabartë nga disa shujta apo ushqime të shpejta. Dhe është me rëndësi të merrni një sasi proteinash pas trajnimit po ashtu. Pas ushtrimeve, burimet qumështore me proteinë si hierra dhe kazeini janë të rekomanduara pasi që janë të pasura me aminoacide esenciale përfshirë leucinë - një grup i veçantë i aminoacideve që nxisin riparimin dhe rikuperimin e muskujve pas ushtrimit ^5,6.

Ngrënia e sasisë së duhur të proteinave çdo ditë ka një rëndësi të shumëfishtë:

• Struktura trupore: Proteina është përbërës jetik për lëkurë, flokë, thonjë, eshtra, gjak dhe kërc - thjesht e mban të lidhur trupin tuaj. 
• Mirëmbajtja e masës trupore pa yndyrë: Proteina luan rol kyç për të pasur një masë trupore pa yndyrë, si muskujt, eshtrat dhe organet.
• Riparimi dhe rritja e muskujve: Proteina mbështet rikuperimin e muskujve dhe ndihmon në ruajtjen e forcës së muskujve. 
• Metabolizmi: Proteina ndihmon në rregullimin e funksioneve metabolike dhe mbështet prodhimin e përgjithshëm të energjisë.
• Humbja e peshës: Proteina rrit ndjesinë e ngopjes, që ndihmon të ndiheni të ngopur më gjatë. Ajo gjithashtu e kënaq urinë më mirë se yndyrat ose karbohidratet. 
• Djegia e kalorive: Konsumi i proteinave rrit efektin termik të ushqimit, që ka të bëjë me kaloritë e përdorura për ta tretur atë ⁹.
• Funksioni imun: Proteina është esenciale për prodhimin e anti-trupave që ndihmojnë në luftimin e sulmuesve të jashtëm. 
• Prodhimi i enzimës: Proteina nevojitet për të prodhuar enzima, të cilat i përshpejtojnë proceset kimike në trup, sikurse tretja dhe lirimi i energjisë
• Prodhimi i hormoneve: Proteina ndihmon në prodhimin e hormoneve të cilat i rregullojnë funksionet kritike të trupit, sikurse insulina, i cili rregullon sheqerin në gjak. 
• Proteinat për transport: Proteina formon proteina transportuese - sikurse hemoglobina e cila bartë oksigjen në tërë trupin; proteinat e tjerë kryejnë detyra të tjera sikurse transportimin e vitaminave e mineraleve tek qelizat.

Për ndryshim nga karbohidratet dhe yndyrat, trupi juaj nuk akumulon proteina, që d.m.th se ka nevojë për rimbushje të rregullt. Dhe, nëse keni mungesa konsistente të proteinës në dietën tuaj, që është një gjendje e rrallë dhe shumë ekstreme, trupi juaj atëherë nuk do të ketë zgjidhje tjetër dhe do të nisë me zbërthimin e proteinës brenda trupit (sikurse proteina në eshtrat skeletor) për të siguruar aminoacidet e nevojshme për të prodhuar vitaminat më vitale të trupit - sikurse ato hormone dhe enzima të cilat janë esenciale për jetën.

Derisa procesi i ndërtimit dhe zbërthimit vazhdon të jetë prezent në trupin tuaj tërë kohën, sistemi do të funksionojë për aq sa ka aminoacide adekuate që vijnë nga dieta për të ruajtur baraspeshën në këto procese. Për këtë arsye, ju do të duhej t’i kushtoni vëmendje jo vetëm sasisë por edhe cilësisë së proteinave që konsumoni - duke u siguruar se i ka të gjitha aminoacidet esenciale për të cilat ka nevojë trupi juaj.

Proteinat përbëhen nga aminoacidet, të cilave shpesh iu referohemi si pjesë ndërtuese të jetës. Prej 20 aminoacideve, nëntë nga to konsiderohen si esenciale, d.m.th. trupi juaj nuk mund t’i prodhoj ato dhe duhet t’i siguroj nga ushqimi. 

Proteinat shtazore shpesh janë proteina komplete, që sigurojnë nëntë aminoacidet esenciale në proporcionin e duhur. Këto burime proteinash po ashtu mund të sjellin minerale si hekur, zink ose kalcium.

• Vezët: Një fole e materieve ushqyese, vezët janë burim ekonomik dhe lehtë i tretshëm i proteinave të plota.
• Peshku: Peshqit yndyrorë si salmoni, skumbria dhe sardelet përveç proteinave, ata gjithashtu sigurojnë acide yndyrore omega-3 të shëndetshme për zemrën.
• Shpendët: Pula dhe gjeldeti janë opsion versatil dhe me pak yndyrë të mbushura plot me proteina.
• Produktet e qumështit: Qumështi, jogurti e djathi janë burime të shkëlqyeshme të proteinës dhe kalciumit, duke e mbështetur shëndetin krahas riparimit të muskujve.
• Mishi: Copat e mishit pa yndyrë të lopës, derrkucit dhe qengjit kanë shumë proteina dhe të pasura me hekur heme dhe zink.

Proteinat shtazore janë me rëndësi të veçantë për individë të cilët kanë nevojë për përmbajtje të shtuar, sikurse të rriturit dhe atletët. Por është me rëndësi të selektoni pjesët pa yndyrë e më pak të procesuara për të menaxhuar konsumin e yndyrës, yndyrave të ngopura dhe natriumit.

Proteinat me bazë bimore përveç se janë të pasura me amino acide ato poashtu sjellin beneficione shtesë si fibrën, fitonutrientët, antioksidantët dhe vitaminat dhe mineralet esenciale. Derisa shumë proteina bimore nuk janë komplete, kombinimi i tyre mund të ndihmojë të realizoni një profil të balancuar të aminoacideve, sidomos nëse jeni vegjetarian apo vegan.
 

• Soja dhe produktet e sojës: Tofu, tempeh dhe edamame janë proteina të plota dhe zëvendësues të shkëlqyer të mishit në dieta me bazë bimore. Proteina e sojës është një nga proteinat e pakta bimore që janë të plota.
• • Drithërat e plotë: Quinoa, farro dhe tërshëra ofrojnë proteina dhe mikroelemente të rëndësishme si vitamina B dhe magnez. 
  • • Bishtajoret: Fasulet, lentet dhe qiqrat janë të pasura me proteinë, fibër dhe karbohidrate komplekse, duke i bërë ato burime të shkëlqyera të energjisë së qëndrueshme.
    • Fruta arror dhe fara: Bajamet, arrat, farat chia dhe farat e linit ofrojnë proteina, yndyra të shëndetshme dhe antioksidante.

    Burimet e proteinave me bazë bimore janë zakonisht nga natyra pa kolesterol dhe zakonisht më të ulëta në yndyra dhe yndyra të ngopura sesa burimet e proteinave me bazë shtazore, duke i bërë ato zgjedhje të shkëlqyera për të mbështetur shëndetin e zemrës. Ato gjithashtu mbështesin shëndetin e tretjes falë përmbajtjes së tyre me fibra.

    Si pjesë e Filozofisë sonë globale të mirëqenies (Global Wellness Philosoph), Herbalife rekomandon marrjen e burimeve të proteinave si me bazë bimore ashtu edhe shtazore për të përfituar nga përfitimet e tyre ushqyese. Kjo qasje e balancuar siguron konsumin e të gjitha aminoacideve esenciale së bashku me lëndët ushqyese unike që ofron secili burim, duke mbështetur njëkohësisht shëndetin dhe mirëqenien e përgjithshme.

Tani që e dini sa proteina duhet të konsumoni – dhe llojet më të mira që duhet të përfshini në dietën tuaj – është koha të shikoni se sa jeni duke konsumuar në të vërtetë çdo ditë. Më duket më e lehtë të llogarisë sasinë e proteinës në një shujtë me njësi 25 gramëshedhe sasinë në ushqim gishtash në njësi 10 gramëshe. 
 
Ja pse. Porcionet e rëndomta të shumë ushqimeve me proteina që i konsumojmë gjatë në shujta zakonisht përmbajnë rreth 25 gramë proteina, ndërsa snacks me proteina zakonisht bien në rangun e 10 gramëve. Kjo e bën të lehtë kalkulimin përcjellës.

Secili nga shembujt vijues përmban afërsisht 25 gramë proteinë: 
 

• Gjoksi i pulës: ~85 g (peshë e gatuar), afërsisht sa një palë kartash pokeri
• Salmoni: ~113 g (pesha e gatuar), një porcion sa pëllëmba e dorës
• Mishi i grirë i gjelit të detit: ~113 g (pesha e gatuar)
• Lente: ~245 g, të gatuara
• Gjiza me pak yndyrë: ~210 g

Në mënyrë të ngjashme, snacks-at vijues përmbajnë rreth 10 gramë proteinë¹⁰:
 

• Një porcion i vetëm (~150 g) i kosit
• Një copëz katrore proteine
• Një grusht soje të pjekura

Nëse jeni femër dhe synoni rreth 100 gramë proteina në ditë, këtë mund ta arrini lehtësisht duke marrë nga 25 gramë (një njësi) në çdo vakt dhe duke konsumuar disa snacks me proteina. Nëse jeni mashkull dhe synoni rreth 150 gramë në ditë, mund ta arrini qëllimin tuaj duke dyfishuar njësitë e proteinave në disa nga vaktet tuaja.  

Suplementet e proteinave ofrojnë mënyrë praktike e të lehtë për të ndihmuar përmbushjen e synimeve ditore për proteina, veçanërisht për individët me stil jetese të ngarkuar ose me nevoja më të larta për proteina. 

Përfitimet kryesore të suplementeve të proteinave: 

• Prakticiteti: Shake me proteinë, copa katrore proteinike dhe zëvendësuesit e ushqimit përgatiten dhe barten lehtë, që i bën ato ideale për njerëzit në lëvizje ose që nuk kanë kohë të gatuajnë ushqime proteinike.
• Lehtësia e mbikëqyrjes: Me etiketat ushqyese që tregojnë qartë përmbajtjen e proteinave, suplementet e heqin pasigurinë kur doni të matni konsumin tuaj. Kjo saktësi ju ndihmon të qëndroni të vendosur në objektivat tuaja. 
• Përkrahje e jetës aktive: Për sportistët, frekuentuesit e palestrës ose këdo që synon të ndërtojë muskuj ose të rikuperohet pas stërvitjes, suplementet që përmbajnë proteinë hirre ose proteina kazeine ofrojnë burim të shpejtë dhe lehtë të tretshëm proteinash për riparimin dhe rikuperimin e muskujve.
• Mbështetje për të rriturit e vjetër: Deri sa masa muskulore bie me moshë, të moshuarit duan më shumë proteina për të ruajtur fortësinë e trupit. Suplement proteinike mund të ndihmojë për kërkesat në rritje^3,4. 
• Plotëso ushqimin tjetër: Pluhur proteine mund të përzihen në smoothie, kos, supa dhe receta të tjera, duke e bërë të lehtë rritjen e përmbajtjes së proteinave në vaktet dhe snacks tuaja. Shumë suplemente proteinike janë gjithashtu me bazë bimore, duke i bërë ato të përshtatshme për vegjetarianët dhe veganët.
• Shtojeni konsumin tuaj: Nëse dieta juaj nuk e përmbush cakun ditor të proteinave për shkak të mungesës së oreksit, preferencave ushqimore ose kufizimeve dietike, suplementet mund të plotësojnë boshllëkun pa shtuar kalori të tepërta. 

Suplementimi me proteina nuk është vetëm për atletët apo ndërtuesit e trupit – ai mund të sjellë përfitime nëse dëshironi të përmirësoni ushqyerjen dhe t’i përmbushni nevojat për proteina. Kur përdoren me masë, suplementet mund të plotësojnë ushqimet e plota për të ndihmuar në arritjen e qëllimeve të menaxhimit të peshës, mirëqenies së përditshme dhe fitnesit ose performancën e caktuar.

Zbuloni se si produktet premium të Herbalife me proteina mund t’ju ndihmojnë të arrini objektivat e caktuar. Kontaktoni me një Distributor të pavarur Herbalife sot. 

Këtu janë përgjigjet për pyetjet e zakonshme rreth marrjes së proteinave.

Cilat janë simptomat e konsumit të mangët të proteinave?

Mos konsumi i mjaftueshëm është fenomen i rrallë. Por, nëse ndodhë, kjo mund të çojë tek simptome të ndryshme. Pasi proteinat ndihmojnë të ndjeheni i ngopur krahasuar me yndyrat e karbohidratet, konsumi i ultë i proteinës gjatë shujtave mund t'ju bëjë të ndiheni i uritur ndërmjet shujtave⁸.

A dëmton shëndetin konsumi i tepërt i proteinës?

Edhe pse ende nuk kemi definim të limitit të ‘sigurt’ të proteinës, konsumimi i tepërt i proteinës mund të sjellë pasoja negative. Pasi proteinat kanë kalori, konsumimi më shumë se që është i nevojshëm mund të sjellë shtim peshe. E nëse mbështeteni kryesisht në proteina shtazorë, konsumi i lartë i tyre mund të nënkuptoj hyrje e madhe e yndyrës dhe yndyrës së ngopur, që rritë rrezikun për sëmundje të zemrës. Nëse keni ndonjë breng specifike, konsultohu me një ofrues të shërbimeve mjekësore.

Kur është më së miri të konsumoni proteina?

Rekomandohet të konsumimi proteina përgjatë ditës, me theks konsumin e tyre pas ushtrimeve për të mbështetur rikuperimin e muskujve ⁷. Idealja është që të synoni të konsumoni proteina në çdo vakt dhe snack për të maksimizuar sintezën e proteinave të muskujve dhe shëndetin e përgjithshëm ⁷.

Si ndihmon konsumi i proteinave në humbjen e peshës?

Proteina mbështet humbjen në peshë duke rritur ndjesinë e ngopjes, duke ju ndihmuar të ndiheni të ngopur më gjatë sesa yndyrnat dhe karbohidratet, si dhe duke ulur marrjen e përgjithshme të kalorive ^8,12,13. Konsumimi i sasive të ulëta të proteinave gjatë vakteve mund të shkaktojë ndjesi më të shpeshta urie ndërmjet vakteve, duke e bërë më të vështirë të qëndroni në deficit kalorik e të humbni peshë efektivisht⁸. Nëse konsumoni sasi të ulëta proteinash deri sa përpiqeni të humbni peshë, mund të jetë e vështirë të ruani masën muskulore, gjë që mund të ngadalësojë metabolizmin tuaj sepse do të digjni më pak kalori në qetësi ^14,15.

A janë proteinat me bazë bimore të mira sa ato shtazore për synimet e mia?

Po, proteina me bazë bimore mund të jetë po aq efektive sa ajo me bazë shtazore në mbështetjen e rritjes së muskujve dhe shëndetit të përgjithshëm, për sa kohë që konsumoni nga burime të shumëllojshme. Deri sa shumica e burimeve të proteinave shtazore përmbajnë të nëntë aminoacidet esenciale, disa burime proteinike bimore mund të mos e ketë një a më shumë. Megjithatë, duke kombinuar burime të ndryshme proteinash bimore, ju mund të siguroni një profil të gjerë aminoacidesh. Proteinat bimor gjithashtu ofrojnë përfitime shtesë si fibra, fitonutrientët, antioksidantët dhe nivele të ulëta të yndyrave të ngopura.

Është thelbësore për ruajtjen e shëndetit të përgjithshëm që të mësoni nevojat tuaja për proteina, që mbështet rikuperimin e muskujve dhe realizimin e objektivave tuaja në fitnes. Duke llogaritur konsumin tuaj të proteinave në bazë të peshës trupore, mund ta përshtatni më mirë ushqyerjen tuaj sipas synimeve tuaja specifike. Për më lehtë, merrni parasysh përfshirjen e suplementeve si produktet me proteina të Herbalife në rutinën tuaj – opsione me cilësi të lartë që ju ndihmojnë të përmbushni lehtësisht nevojat tuaja për proteina gjatë tërë ditës.

Susan Bowerman është drejtoreshë e lartë e Edukimit dhe Trajnimit Ushqimor në nivel global në Herbalife. Ajo gjithashtu shërben si kryetare e Bordit Këshillëdhënës Dietal të Herbalife dhe Bordit Këshillëdhënës për Ushqyerjen e Jashtme. Si një dietologe e licencuar, znj. Bowerman i edukon Distributorët e Pavarur të Herbalife për Filozofinë Globale të Mirëqenies dhe është përgjegjëse për zhvillimin e materialeve edukative dhe trajnimeve mbi ushqimin.

1. OBSH. OBSH Seria e raporteve teknike 935. 2007.
2. IOM. Konsumi referent ditor për energji, karbohidrate, fibër, yndyrë, acide yndyrore, kolesterol, proteina dhe aminoacide. Washington (DC): National Academy Press; 2005.
3. Bauer J, et al. JAMDA. 2013;14(8):542-59.
4. Deutz NE, et al. Clin. Nutr. 2014;33(6):929-36.
5. Jager R, et al. JISSN. 2017;14:20.
6. Kerksick, et al. JISSN. 2018;15(1):38.
7. Mamerow MM, et al. J. Nutr. 2014;144(6):876-80.
8. Dhillon J, et al. JAND. 2016;116(6):968-83.
9. Leidy HJ, et al. Am J Clin Nutr. 2015;101(6):1320s-9s.
10. FoodData Central [Internet]. Shërbimi për Hulumtime Bujqësore, Laboratori i të Dhënave Ushqyese. [cited 21-06-2020]. E gjeni në: https://fdc.nal.usda.gov/fdc-app.html#/.
11. Tang, et al. J Appl Physiol (1985). 2009;107(3):987-92.
12. Yang D, et al. Eur. J. Nutr. 2014;53(2):493-500.
13. Westerterp-Plantenga M, et al. Annu. Rev. Nutr. 2009;29:21-41.
14. Wycherley TP, et al. AJCN. 2012;96(6):1281-98.
15. Butte NF, Caballero, B. Vlerësimi i nevojës dhe kërkesave për energji Filadelfi: Wolters Kluwer Health/Lippincott Williams & Wilkins; 2014.